Hafðu tönn fyrir tungu.

Sari Maarit Cedergren

2009

Skúlptúr Gifs

Um verkið

2009 Artótek The Reykjavík City Library. Reykjavík. Iceland. Verkin á sýningunni tengjast íslenskum málsháttum. Verkin eru aðallega unnin í gifs. Á sýningunni er einnig stuttmynd. Verkin er unnið sérstaklega fyrir sýninguna með tilliti til hlutverks bókasafnsins sem menningarstofnunar, staðar þar sem fólk hittist, skoðar bækur og listaverk og á samskipti við hvert annað. Í verkunum má líka skynja félagslegan og pólítískan tón. „Ég hef unnið með viðfangsefnið veðurfar sem hefur áhrif á þjóðfélagið í heild sinni auk félagslegra áhrifa þess á samskipti fólks og líf“ segir Sari. „Í framhaldi af þeirri vinnu fór ég að velta fyrir mér íslenskum málsháttum, sem hafa mikla skírskotun í félagslegt og pólitískt ástand í dag. T.d. í verkinu Seint þreytist eyrað að heyra vísar ég til þess að vinnumálstofnun hvetur fólk til að koma með nafnlausar ábendingar um svindl í atvinnuleysisbótakerfinu og fylgjast með nágrannanum, einnig getur verkið visað til forvitni hinnar íslensku þjóðar um nágrannana. Í verkinu Illt er á einum fæti að standa er skírskotað til einhæfs atvinnulífs eins og stóriðju og ekki er erfitt að imynda sér hvernig verkið Engin skyldi hafa tvær tungur í einu höfði getur visað til stjórnmálaumræðurnar í dag.“