Halldór Pétursson

01.01.1916

Öll
verk

Um listamanninn

Halldór Pétursson fæddist 26. september árið 1916 að Túngötu 38 í Reykjavík. Hann var sonur Ólafar Björnsdóttur og Péturs Halldórssonar borgarstjóra. Halldór byrjaði mjög ungur að teikna og snemma ljóst hvert hugur hans stefndi. Hann varð fljótt landsþekktur fyrir teikningar sínar.
    Hann myndskreytti fjölda bóka og rita. M.a. myndskreytti hann Spegilinn frá árinu 1947 og teiknaði forsíður á Vikuna. Halldór hafði mikinn áhuga á hestum og voru hestamyndir eitt af ,,vörumerkjum" hans. Einnig var hann frábær skopmyndateiknari.
    Meðal frægustu teikninga hans eru eflaust myndaröð vegna heimsmeistaraeinvígisins í skák 1972 og þorskastríðsmyndir. Þær voru birtar út um allan heim.
    Halldóri veittist einstaklega létt að teikna og var mjög snöggur, hann hafði sérlega gott sjónminni og gat teiknað eftir á með ótrúlegri nákvæmni. Hann málaði einnig með olíulitum og vatnslitum þó þekktastur væri hann fyrir teikningar sínar.
Halldór lést í Reykjavík 16. mars 1977.