Um listamanninn
Ég hef unnið sem giggari eða sjálfstætt starfandi að list minni síðan 2005 auk myndlistarkennslu aðallega við Myndlistaskóla Kópavogs og Myndlistaskóla Reykjavíkur þar sem ég starfa núna. Ég hef komið að rekstri gallería í miðbæ Reykjavíkur í samstarfi við aðra hönnuði, myndlistarfólk og tónlistarútgefendur; Netagerðin, Skúmaskot og Listakot. Ég starfaði líka um tíma sem forstöðumaður Listagallerís og lífrænnar verslunar á Sólheimum í Grímsnesi.
Ég hef tvisvar setið í stjórn Leirlistafélags Íslands eða í samtals fjögur ár þar af eitt sem formaður.
Ég hef haldið tvær einkasýningar og tekið þátt í fjölda samsýninga hér heima og erlendis og staðið að framkvæmd nokkurra þeirra. Sömuleiðis eru verk eftir mig í eigu opinberra aðila m.a. hjá Sjónarhóli sem er ráðgjafasetur aðstandenda barna með sérþarfir.
